11-13 Nov 本店三天驚喜之旅

v12

九月份見有平機票，買咗先算，到上星期一安排好工作就確定可以一人成行，急急訂咗兩晚新宿洒店。11號零晨兩點鐘機出發，七點幾鐘迷下迷下坐Narita Express到東京站再轉山手線到原宿已經十點半，帶住一件手提行李連放Locker時間都唔太夠。Mclassic各大師兄在香港已經在Whatsapp為我緊張，果道力未講得上千軍萬馬，但有問必答有如十八銅人在我背後頂住。

行到見到禪爺當然第一時間去吸一吸運氣等自己醒醒。其實果一刻已經迷下迷下唔記得過程係點，只係感覺到10c左右好很凍又有微雨（未有時間開行李著衫，短Tee+MA1），禪爺單頭抽完有手帶，到我一抽出個51，正！點呆點迷都有得上，點好名就返咗酒店放好行李著返heat tech再食個飯，三點再去報到。

小休前禪爺上完買花章麥樂雞冧住發功教我Goro's知識，在香港的師兄不停為我打氣並為我製定出一系列可能性及應變措施。我要小休後第二輪先到，預咗咁後都未必有太多好野，不過最怕上到去又有D咩新招又考英文之類。到差不多七點迷住記咗好多英文Goro's學名之後感覺好似十幾年前會考Oral咁上咗去。我果輪我最後，Tara剪手帶。我前一個日本老手同Ken講咗成五分鐘但乜都冇買就走咗，見仲有花章麥樂雞！我："May I have the Flower Metal please?" ; Ken:"OK" 當堂成個人自信心返哂嚟，再要咗個中財仲可以換埋Conchro，再問平打戒但冇Size，見二女同Ken仲笑笑口我繼續試下問M Boxing，Sold Out，但我問可唔可以上身試試，試完Confirm第日有機會一定要買。第一日飽飽了，合共¥78300。

v12

第二日都有心理準備星期六人多機會微D，但照舊排禪爺後一個，見佢抽又行去加手帶我真係Feel到佢果種必入嘅力量。到我一抽，13，又吸到好運！兩點左右上去，我係我組第一個，壓力大好多，二女同Ken望到實一實，無得慢慢睇，XL毛只有點金左右、上銀左右、右向上金TQ（唔太肯定會唔會係金繩TQ，因為有消息話有，我又無睇價錢所以唔Confirm，印像中係上金TQ），但肯定冇花章麥樂雞。我問可唔可以要Left Side XLarge Silver Top feather，Ken又OK，我即除我條Goros比佢加裝。跟住我攞我新買嗰個中財同二女講我放哂D野之後脹哂，問可唔可以買個咭片套，我指住個薄的，佢攞比我睇之後可能我個樣好疑惑，佢又推介返個有多一內格的Will fit your need，咁一定要啦二女咁考慮我感受。見氣氛唔錯又問問Ken San今日有冇M Boxing，No，咁又問問中鹿或細鹿，二女問我要咩色之後入房Check，我係要赤/焦茶都得，佢比咗個焦茶中鹿我試上身，呢D野一係唔試，試完會唔要咩？忍住D口水照鏡轉個圈之後自己話Very Nice讚下自己襯等佢呆咗先，再問可唔可以加Conchro，佢真係呆一呆再望望Ken先話You use it first, next time。我只能Sure! 再問紅珠，又指指自己個新花章牌，KEN又比。要下要下唔知幾錢，我又帶得唔多，開始有驚唔夠錢，本來仲想再問戒指同皮帶（我係有勇氣表白，但冇錢付責任啫）所以再停手等佢計計先,¥20X,X00，我得¥170,000，二女比我去ATM。唔記得講其實由於上一輪上咗好奈，我急急又唔敢行開，提錢又要再上落多一次，又緊張又飲水，又冬天又盛咁，總之忍住！返上佢地招呼緊兩個日本叔叔，我再睇下細袋仔，一到我就即問要多個S焦茶袋仔，都Ok！問到自己都有D心虛、腎又虛。問到自己都有D心虛、腎又虛。虛住聽二女介紹番中鹿入面個細袋唔可以當袋單用，佢上身做埋個錯誤示範比我睇。最後比錢共¥212,600。45度菊哂弓Bye哂咁多位之後衝去標屎上面洗手間。三點前已經完成到呢個量，又可以去行街，都唔知仲有咩可以要求。。。

v12

第三日，星期日，天氣唔錯，有第六感今日唔中可以行街街，不過一定準時到，因為唔排除個天要比個1我。雙行龍，我拖埋行李，當然會合禪爺繼續火花。馬後炮都好，就算抽250都會好開心咁離開，因為真係琴日飽過龍，同埋我想去買眼鏡

v12

禪34，我175。你話有咩人可以連上五日？冇！只有神...表參道抽神「禪」。之後我就先行告退了。
非常感激呢度各位師兄無私的分享，令小弟行少好多冤枉路。
本旅程成功入場率66.6%，破自己紀錄！

auto310

看師兄所願，都算達成目標，恭喜有運。

him952

飽叿田啦！
正呀
甘多入手！

black_star

最近大家都有好消息，恭喜

hopig

真心替師兄開心，恭喜買到心頭好！

kellit

恭喜晒ching入手咁多正野，真係好毒！

東門吹瘋

恭喜師兄 入左咁多筍野！

poupoud

真令人羨慕,好登你開心

yaracso

中鹿幾錢？ 想入

charlwong12

太開心啦，，喱啲故仔好好睇！

buyan

登ching高興

St_Paul

收獲好豐富, 恭喜ching 個中鹿有上身圖睇下嗎

kit

見到Ching D收穫都戥你開心~

青島兄

我都好想去排呢!

Thomas468

Ching收獲豐富，運氣爆炸，更加令小弟衝動飛去排

chun1226

ching a06jpg果張相,影到我同我老婆,我係著黑衛衣企係度,我老婆就係著6色MA-1坐係度,我地果日係49,ching你係51??

v12

chun1226 發表於 2016-11-18 18:37
ching a06jpg果張相,影到我同我老婆,我係著黑衛衣企係度,我老婆就係著6色MA-1坐係度,我地果日係49,ching你 ...

哈哈，係呀師兄你抽1果日就係問我果兩個空位坐唔坐得，我話應該OK