今天第一次拜訪高山隆爺爺的分享

山風丹妮

PS ：小弟文筆唔好 亦係第一次打呢D分享文 原諒19999

小弟係幾個月前 比一個Frd既介紹下 開始認識銀器呢樣野認識唔夠一個月 小弟已經籍著當時去大阪既機會買左串First Arrow玩下
慢慢先再深入去睇人地每個打銀師傳背後既故事同手工

但中左呢個毒隱無幾耐後 我開始迷上左高山隆爺爺既作品
終於我籍住今次同女朋友去東京既機會拜訪到佢本尊！

入正題啦
StopLight既舖位其實唔算太難搵 但好少去日本既我仍然係花左唔少時間搵路
終於！

之後我就兜去後面行上2樓睇下高山隆爺爺係咪到
敲門後我已經立即聽到佢既回應
開門後見到佢既果一剎 我開心到個心跳到好快
我一路以黎 都只係係網上睇其他師兄分享既圖片同佢既作品
無諗過自己終於可以見到佢本人

入到去之後 除左佢之外仲有一個人
但由於我太緊張 已經無留意果個人
無幾耐 高山隆爺爺就用流利既英文問我想要咩
我口窒窒咁講出自己想要既野
我話我想要戒指同手鐲
之後高山隆爺爺就立即問我會留係日本幾耐
我話六日
佢話完成我個Order 最快最快都要一個月

其實我一早預左無可能六日內攞番
但聽到之後我都係猶疑左一陣
因為小弟只係一個學生 並唔係經常有機會去日本
但我諗左幾秒 都係決定繼續同佢傾想用咩石

我同佢傾左一陣 之後佢就報左個價比我
我一睇 原來費用都唔便宜 對於學生哥既我黎講 我應該負擔唔起
而最令我猶疑既原因 係我根本唔知自己幾時會再去東京 幾時先有機會拎番
我一直猶疑 亦一直同高山隆爺爺解釋自己猶疑既原因
但高山隆爺爺都無催促我

最後我同女朋友商量下 決定都係唔要手鐲
淨係要戒指
雖然我唔知自己幾時再有機會去拎番 但我知道我唔訂既話我一定會後悔
搞完一大輪 我最後都係只係訂戒指 其實係超級唔好意思
但無諗到佢無不滿我之餘 仲幫我隻戒指打左個折頭
於是我就係好開心既情況下比左錢同收左張單

最開心果Part係

本來諗住叫女朋友幫我同佢影張相就完夢走人
但佢突然叫我等等
之後佢好快手就係後面拎左件StopLight Tee出黎
然後笑笑口對住我講 Merry Christmas！話件Tee係送比我既禮物
呢個時候我真係開心到想喊
我係咁講多謝多謝 不停同佢表達其實自己真係好鍾意好鍾意佢既作品 能夠黎到見到佢已經好開心
我之後亦都同佢講話自己其實都好鍾意Goro's
爺爺佢聽到呢到忽然笑中有淚
佢話佢同Goro San真係好好朋友 但可惜如今佢已經唔係到..
見到佢既樣後 我都即刻感受到佢同Goro San既友情

最後我就請求爺爺同我合照一張



影完後 我再三番四次同爺爺講Thank you
佢亦都同我講多次Merry Christmas 同Have a nice trip in tokyo.

我既分享完了 原諒我因為仲興奮緊而導致講野19999 希望大家都感受到我既喜悅
Btw 最後我都係想問下 有無成日出入東京既師兄可以好心幫下忙幫我呢個學生哥到時攞番隻戒指


最後最後 比大家睇下爺爺送比我既禮物 真係好開心

十四毛

謝謝分享，提提你高山爺爺既貨經常脫期，收貨前最好先致電一下查查，或在旅程第一天就找他好了，99%是未完成，而希望會在你最後一天在日時給你。

kl8723

為咗奬勵師兄你咁用心打篇本店遊，你pm電話比我啦，我一月中會去東京，但都可能空手而回嫁！

山風丹妮

kl8723 發表於 2016-12-19 23:46
為咗奬勵師兄你咁用心打篇本店遊，你pm電話比我啦，我一月中會去東京，但都可能空手而回嫁！ ...

感謝你 板主有愛 一陣PM你

chingye1227

高山爺爺真係好人，男人浪漫典範！

silzai

下次如果去東京都要去拜會一下
未知師兄收到貨未？