再度本店遊（4/6-9/6）

yktam

第一日 4/6 星期日
星期六晚搭凌晨機到羽田，火速去築地諗住食早餐先發覺原來築地星期日休息，咁就唯有事但搵間海鮮丼食啦，食完去酒店放低行李就搭去呢次旅行主要既目的地《明治神宮前7號出口》，大家如果第一次去都可以係呢到出，一出就會見到傳說中既Goro's隊，大家搵到個尾係後邊排就可以啦。 約11點會有職員/義工提大家拎身分證明文件出黎，身為學港人既各位可以拎定護照出黎。由於果日係星期日，所以LV保安會問你識品識日文，如果唔識就好大機會請你離開啦，如果成功過到第一關大家就會拎到張飛仔寫住幾多個人，而呢張飛就會用黎認家你有抽籤既資格啦。

大約11:30-12:00抽籤正式展開，大家會見到成功人士會企埋一邊戴手帶，而失敗人士就會得到一句Sorry啦，就係咁我都得到一句Sorry(實際數字經已忘記了），而第一日本店之旅都由此結束。

yktam

第二日 5/6 星期一

經過係東京食左成日野行左成日街之後，我feel到我要轉運了，一係酒店訓醒，又係光速到達7號出口，加入隊列期待今日上本店啦，而今日由於係星期一，LV保安都無特別問識唔識日文啦，但係今日我仍然係得到一句｛ごめんなさい｝就鞠躬離去了。

yktam

第三日 6/6 星期二

由於前兩日我既手氣都十分差，今後既抽籤就交由女朋友操刀啦，今日仍然係照常7號出口跟隊抽籤，但係LV保安今日唔係到，改由義工檢查，而係今日亦到撞見本壇另一位有寫遊記既師兄，同師兄吹住水等抽籤既時間過得好快，亦到多謝師兄對我既祝福，可惜最後仍以8x號敗走。

yktam

第四日 6/8 星期四

黎到此行尾二既日子，內心實在好期待抽中，唔希望空手回港，所以今日繼續一早起身到7號出口跟隊等抽籤啦，今日有位之前字未見過的瘦保安，其樣貌極之黑面，而今日前方有非日本人排隊亦被其請走，所以待都擔心會被佢請走，果然佢睇到我地證件果時都有一陣遲疑，好彩最後成功過關，今日抽到56號，諗住可能都比排啦，點估都係得到一句ごめんなさい，雖然心裡失望，但無辦法下只好鞠躬離去。

Applegoogle

師兄,加油, 寶物沉歸底

kimching

加油，下次抽1號仔

ugine

師兄加油，望中寶而回

devilman_alex

9/6上到嗎？

LGK

快D講買左D咩....

kingfinfin

師兄加油,期待師兄上舖

yktam

最終日 9/6 星期五

今日一如以往繼續早起身去本店，但係今日要執埋行李去Check out，所以就遲左到7號出口，到達時約10:30，欄杆位置大家經已就定位，咁我地就去左後邊排啦，今日無保安無孫女，但係有二女同埋另一位女士（黑頭髮膚色較黝黑，有無師兄認到可以介紹下），其實係前一晚我地經已做好最壞打算空手回港，但係到我地抽果時奇蹟發生啦，我地抽中17吧，當時仲停一停心諗會唔會比人趕走，好彩最後平安無事拎到手帶可以上去。

約14:30我地五組人係二女帶領下上到本店，係行樓梯期間二女亦不忘提醒我地要擺遮係門外，進店後的感覺與上一次很不同，櫃內有多項飾物（金繩TQ，上金，點金，上銀）及其他細毛，亦有矛頭、太小角丸，但就反而無我上次買到既大箭頭。

係我前面既日本人老手與Kan San 傾左幾句之後就鞠躬離開，而到我地果時我地首先同Kan San 打招呼，而我地發覺佢今日心情好好，全程好好笑容，咁我就選定左目標問可唔可以買金繩TQ，佢一口答應之後拎左出黎比我睇啦，咁我果時就問埋佢可唔可以比我買頸錬啦，而佢都笑住回應話一係毛一係錬叫我自己簡，咁就當然係毛行先啦，咁我簡既就暫告一段落啦。

之後就到我女朋友睇下有咩想買啦，佢就一眼睇中點金，而我就幫佢問Kan San 可唔可以啦，Kan San 亦係一口答應，但係佢就拎左條上金出黎比我地（可能大部分人會簡上金唔要點金啦），但係合眼緣係最重要既，咁我就再行去櫃指返要點金啦，今次Kan San 終於明白並且笑笑口點頭拎比我地啦。

之後我就問Kan San，我地可唔可以買對戒指，佢諗都無諗就問我地帶咩手指再拎Size比我地試，雖然女朋友果隻有d貼但係Kan San話經已No Size Today，咁就照買果隻啦，就係咁我地就成功買到第一對戒指啦。

係呢個時候二女都行左過黎幫我地條毛穿繩，係Kan San問我拎頸上既大箭頭穿埋落去果時我就主動同佢講我條繩意外地斷左所以短左，咁佢都即刻笑笑口以示明白幫我換過條繩而舊果條二女都幫手扎好比返我地。

到比錢果時尷尬啦，因爲一開始唔預買到咁多野，所以銀彈不足，咁跟住就緊係同佢地講我地落去禁錢啦，咁Kan San都即刻幫我地地留起簡左既野而我地就落去禁錢啦，上返黎果時發生左小插曲，有一男一女香港人直接上左去本店而二女就同佢地講Full，而果對男女都再問二女係咪要排隊咁二女就話今日已滿，咁佢地就行返落黎走啦都無發脾氣既，而我地禁完錢上去果時都聽到佢地用廣東細細聲話點解我地就上到去，由此事都可以發現到仲係有香港人唔識上本店既規矩。

而我地上返去比錢果時二女都特登仲提醒我地要試清楚戒指Size岩唔岩，因為一落左去就無得換，咁我地都有再試清楚真係無問題就買啦，跟住就指定動作去鏡前戴起買左既野同埋同二女吹下水，而二女都同我地講句Safe Flight，就係咁一連六日既本店之旅就開開心心戴住兩毛兩戒回港啦。

devilman_alex

介子有size就比買真好的，不過可惜我吾習慣戴介子，恭喜師兄大收穫。

Jeromesuen

失落左五日最尾都有收獲，果下應該好難忘 恭喜師兄

yktam

想請求下咁多位其實洗手要唔要除，我果隻一日未夠經已見到有花了，雖然明白呢隻款花就一定，但想學下正確保養方法，另外多謝各位師兄同我分享喜悅