|
十幾年前經過中環(唔記得係嘉咸街／鴨巴甸街)買第一條銀羽毛，但唔係Goro's 而係TK，其實買TK前幾年已經知道有Goro's呢個銀制飾品，但當年互聯網未普及同資訊太少，所以無深究Goro's手工同背後意義，而TK羽毛於一次war game中遺失，之後一直工作亦都將Goro's忘記。
近幾年結婚後多次遊走日本各地，因老婆於航空公司做，所以有超平機票到日本，但都無專程去本店。 記得前年冬天黃昏經過本店同老婆講，呢幢橙色樓就係Goro's本店，每日都有好多人排隊買銀羽毛同銀飾品，有人可能排隊上去講幾句就走，但今日竟然無人排隊，老婆就話上去睇睇，點知上去一推開木門就俾一個女人怒視再交义雙手示意不可進入，然後我地同佢講第一次上本店，見無人排隊所以上黎，佢話排隊既人會坐欄桿等，之後笑笑口話下次記得排隊抽籤等上本店。
今年3月開始計劃旅行地點，老婆話我成日睇Goro's，不如就去東京排隊上本店啦，但係每年12月旅行都係慶祝老婆生日，今次佢話一齊排我都唔好意思。
當初加入論壇知道由以往晨早排隊改為排隊再抽籤，亦知道各師兄辛酸歷程，上本店機會難再加上冬天氣溫，11月仲初雪令我感到難上加難，但今日再睇東京天氣預測，下星期只有兩日陰天，其他日子放晴都有16-18度，希望會係好既開始。
如果各師兄有乜心得或有乜要注意，希望可以提點一下，謝謝。
| 
發表於 2016-12-2 16:00:49
