2019夏休 及 2020冬休 - 本店遊記

silzai

自從上次黃金周一役入手爪毛同點金平打扼之後，普通貨色已經滿足唔到我了。索性target夏休同冬休呢兩個傳說中會出罕物既時期。
2019 夏休
嚴格黎講標題講夏休有少少誤導，因為我揀左12/9 - 17/9，即係夏休開始第二個星期。一來希望無咁多人，增加上店既機會率；二來今次會帶個FD第一次入坑，唔想佢失望；三來平機票；四來無乜大假剩，咁放可以請4日排6日，最抵玩。
去之前已經收到風今季特典係 金繩TQ十字架（裡點金），同埋 金繩TQ平打扼，好似仲有鷹戒。都有少少奢望買唔到都比我望下，當贏個經驗都好。就係抱住咁既心情出發了。

11/9（三）- 夜機，公司竟然要OT，收工趕到一仆一碌返屋企再衝去機場
12/9（四）- 64
               到步係清晨六點，慢慢食個早餐先施施然出原宿放底行李係locker。
               事前已經同FD講定，咩號碼都殺，總之比排就排。一抽即刻中64，雖然比較後，但唔知之後幾日運氣點架嘛，幾歹都排。
               結果今日D人異常地慢，64竟然要過埋小休之後第一組，好在63係對美國情侶，可以吹下水，講下香港咩情況，東京有咩玩之類。
               睇得出佢女友已經黑晒面，我同佢地講平時呢個號碼唔洗咁耐，今日算唔好彩。中途食蕉哥哥英文唔掂，叫我幫手話比對美國情侶知放小休。
               18:35 終於到我地上，情侶第一，我同朋友第二。佢地無耐就買完，同我地講拜拜。

              毛櫃：XL點金，上銀，細金心，細中箭頭，四鏈
              收銀櫃：平打戒，大八本
              掌櫃：Kan
      
              朋友第一次黎，讓佢揀先啦。XL點金 OK，太丸OK，平打戒OK，皮扼OK。Kan san完全係開善堂比我個FD
              到我，無乜野想要，唯有整一對細金心，睇下遲d有咩用。跟住見到巾着S有白色反皮，即刻要一個先。洗得最少錢既一次

13/9（五）- 156
14/9（六）- 148/259
15/9（日）- 260/294
16/9（一）- 15/288
                  連炒3日後終於整返個靚號碼，忍唔住要同FD黎個fist bump先
      
                 毛櫃：XL毛齊，大金心，大太陽金牌，水蓋，點金麻，大中細箭頭，點金spoon
                 收銀櫃：左右爪毛，平打戒
                 掌櫃：Mito
      
                FD問爪毛，唔比 上銀TQ OK，點金麻 OK，白色巾着袋OK。
                到我，本身有爪毛左向，諗緊問唔問埋右向好，不過最後決定要上金TQ，因為貴D，遲多幾日加稅就冇咁抵 之後要埋白色巾着袋，換埋銀繩TQ concho。
                介紹埋個FD比Mito識，我話由細玩到大，佢好似幾開心。

17/9（二）- 79/240
                  最後一日，號碼有d尷尬，照問孫女比唔比排，不過佢話太多人喇唔得。咁我地就say個bye走人。
                  其實琴日買完之後我得返2萬yen，個FD係零，連食飯都要問我借錢 所以唔中都好。

18/9（三）- 凌晨機返香港，訓一個鐘就返工，想死

總結：今次旅程結果都係見唔到任何特典或者罕物，不過都叫做排6上2，成功帶朋友入坑，任務完成。

bert

多謝分享.

Szetoszeto

多謝師兄分享 期待你分享既冬休結果

Jeff

多謝師兄分享你們收穫都算唔錯

silzai

2020 冬休
話口未完又黎到冬休呢個兵家必爭之地。相信大家都知道冬休係會出先金既，咁當然我亦唔會錯過。

今次一路都搵唔到平機票，最後唯有用Asiamiles換程東京來回，由於臨時決定，冇乜機位，最後焗住比40000里來回

原先計劃係5/1下午到步，6/1啱啱好開始冬休，然後12/1朝走，排六日。
點知本店今年改左5/1開始，搞到我排唔到第一日 得返五日排。

5/1（日） - 下午四點左右到步，睇睇twitter，得知冬休特典係 先金，金素毛，鷹戒
                 成566組，果然係冬休

6/1（一） - Miss
                 10:20 到達，龍尾過左line friends。
                 10:31 分4列排
                 11:47 2輪抽籤，第一輪抽hit/miss，直接byebye

7/1（二） - 357/364
                 12:18 今日抽一輪，不過抽倒數第8，掉返轉諗應該算好運？

9/1（四） - 15x
                 12:10 又係一輪，抽15x...... 開始灰心
                 去後巷坐低，有兩個內地定台灣人係隔離，又係抽唔中。其中一個話要排到月尾，話係冬休基本 有咁多假期先得架...

10/1（五）- 26/278
                 10:45 單行排到去undefeated...嚇親
                 11:27 見到前面有香港人戴XL素羽，犀利
                 12:10 抽到26！即時攞手帶，好感動，今次真係第一次咁難抽，喊出黎。
                 直接開始排，我果段欄杆咁啱爛左，冇得坐... 仲差d中雀屎，如果我企前多2CM已經中左... 好在神明保佑。
                 因為已經冬休第五日，號碼又唔算好前，都唔預有D咩特典剩。目標定係爪毛度，諗住叫做儲齊一對。另外買個硬皮袋咁。
                 排排下見到前面有人戴緊先金同鷹戒，仲要好新，一定係呢幾日買，佢真係好好運，今日又中 。
                 14:27 有攝製隊行過，搵左我前面幾個老手訪問。
                 14:50 到我果組上，我排最尾。正！唔洗緊張。
                          前面果幾個老手唔知買左咩，好神秘，收係衫入面。唔知係唔係先金 仲有買鷹戒。另外一個就擺低左巾着袋，應該係修理。
                          食蕉哥哥記得我去過澳洲（其實我係住過澳洲一陣姐），問我澳洲係咪好大獲（山火），查實我已經冇返澳洲8年... 唯有吹下水話係呀好嚴重。

                 羽毛櫃：XL毛齊，大細金牌，水蓋，大中細金心，四鏈

                 收銀櫃：鷹戒 花戒 大中細八本
                 掌櫃：Kan。Mito做助手

                 輪到我第一時間問細八本先啦，都叫做罕野，Kan san即刻OK。
                 諗緊問唔問鷹戒，不過覺得有少少太man未carry到，所以轉問花戒有冇我size。Kan san問想戴邊隻手指，我話食中無名都得，都冇，佢攞隻尾指比我話你試呢隻啦，OK
                 排左成四日先上到黎，點會咁易罷休。再問佢要多條大金心，湊成一對，又得左。
                 好喇見銀器差唔多，問埋硬皮袋埋尾，牆上面果個已經襯好左一set，連3個concho。諗緊換唔換第個concho之際，原來後面唔知幾時直上左3個人，可以直上既應該係明星，但我唔識
                 見Mito盛情招呼佢地，同埋係咁話唔好意思，今日d客買好多野。似乎想示意我快d。咁我都好識做，即刻話OK埋單。成 222,000yen
                 Mito好似有少少認得我，我話係呀九月同朋友一齊黎，佢話Oh yes yes。
                 姨姨同我影完相吹左陣水，我話日本凍到癲，香港冬天係20度，佢好驚訝

11/1（六）- miss
                  10:33 最後一日，今日仲誇張，單行排到竹下通。
                  12:00 週末又變返2輪抽籤，又係第一輪出局，同孫女講byebye。

總結：排5上1，符合預期。中段好驚全炒，未試過咁慘烈，好在都叫做上左一日，收穫仲唔錯添。黎緊四月黃金周會再戰，到時再分享。

Mike13450

你frd真系正，第一次就俾鏈，好後悔我上次無問

black_star

恭喜收獲很好 多謝分享

kl8723

多謝你詳細嘅本店遊分享！恭喜！

devilman_alex

師兄上到去都可以好冷靜分析重好好收穫穫，我次次都會問漏想要嘅銀器，另請教師兄是否Twitter收風當日有乜神物出現？可否推介一下？

Aldepie

好詳細既分享~正

del6109

十分難得，人品超好，花介超正

Skylee

師兄 全部白巾着都係皮面? 我白鹿皮面太以污槽, 請問知唔知咩SIZE開始變皮面?THANKS

silzai

Skylee 發表於 2020-8-21 10:08
師兄 全部白巾着都係皮面? 我白鹿皮面太以污槽, 請問知唔知咩SIZE開始變皮面?THANKS ...

白色應該全部都係滑皮面，唔關size事。不過的確係好易污糟，我果個即日已經出事。

Skylee

因為我XS定S係鹿皮面黎, 想買返個皮面~ THANKS CHING

Szetoszeto

收獲好豐富，神運氣

waikwan777

CHING太強大，唔知幾時可以再去抽過 想問你知唔知goros平打多唔多size嫁？