一隻古董精工既王者 - Seiko 6159-7001極地探險家

十四毛

或者會有懂錶的師兄俾我個標題吸左入來，因為明明6159系列係潛水錶，點解會變成探險家型號。因為呢隻當年幫精工打下潛水錶界江湖地位的劃時代傑作，最出名並唔係佢曾經潛到有幾深，反而係爬到有幾高 - 係1970年，日本著名嘅探險家植村直己及松浦輝夫帶住呢隻錶，攀登珠穆朗瑪峰並成功登頂，是為日本首次到達珠峰之巔。

十四毛

睇番個流程表，潛水錶第一代係叫6217，亦係今年2017出左個復刻版叫SLA017, 跟住到300M呢款設計，第一隻叫6215，係1967生產，可以算係精工第二代既潛水錶，1968年再改版成6159-7000，再係1969年改變成6159-7001，每年剛好轉一轉款，估計係要完善一吓個設計。
其實精工每一款錶都會有些同款但尾數號碼唔同嘅兄弟版，即係好似M.Benz既E200/E250咁，我會當佢係同一款錶，但唔同版本來區分要比較容易明白。
6159(300M)有分6159-7000同後一年出既6159-7001，暫時我只係搵到錶背面多咗一條圓坑呢個不同之處。

十四毛

300M其實係一隻失敗左既潛水錶，因為係1968年，精工收到一封信，來自廣島既一位專業潛水員，佢投訴精工隻潛水錶會爆玻璃，同防唔到震，官方版本係講封信講市面上包括歐洲貨都有呢個問題，但我睇過好多外國嘅forum都講封信只係投訴精工隻300米潛水錶。

但精工錶貫徹早期日本製造業既優點，好努力開始重新研發深潛錶，要直至六七年後的1975年，再次用返6159呢個名(6159-7010)出左隻吞拿，亦即係第一隻吞拿魚潛水錶，似乎誓要一雪前恥。

十四毛

再講番隻300M，上回提到分別係67-69年分三個版本推出市場，下圖左邊係1967年的6215，右邊是1968年的6159-7000，兩者最主要嘅分別是面盤12點的夜光點不同，及由於6215不是用精工著名的HI-BEAT機芯，所以表面並未有標示。圖中最右邊是2000年推出的復刻版，叫SBDX003，限量500隻市價現在去到三萬五至四萬蚊了。

十四毛

下圖係1969生產既6159-7001，同7000型既分別主要係錶底，點解我唔叫佢做底蓋呢，因為300M成個系列，用嘅係一體化實心鋼做外殼 要先把旋轉外圈及玻璃拆除，才可以拿出錶肉。所以拿在手中，整隻手錶重甸甸的，很有質感，不比Panerai差。

十四毛

要識分service dial同原裝面，圖中寫產上water 300m resist的就是後換的service面，由於在1970時ISO regulation要求所有潛水錶要用resist字樣，但當時隻錶已經停咗產啦，呢點不可不知，原裝係寫water 300m proof既。
執筆當日係ebay有塊NOS 既service面賣左成萬銀港幣，原裝面既矜貴情度可想而知了！

十四毛

6159有兩種bezel，而count down倒數的那種是比較罕見的，據稱當時拿回精工可以免費更換。而6215個bezel就係銀色的，此點一要知道，因為市場上係會有一些唔正形既copy流通緊。

十四毛

例如下圖日拍的6215，錶殼清楚寫上是6215-7000，bezel是銀色沒錯，但錶面卻是用6159的，細心一看，是寫resist的，即是可能於1970後service時被原廠換掉了(但錶面寫上HI-BEAT而6215不是啊？），這些小知識如果不知就急於付鈔，隨時出事。

Vintagemen

做好多功課，讚！

hkabd

資料好詳盡，原來舊精工都多學問，好有用， 多謝分享

十四毛

6159-7000 (7001)有三種原裝帶可以用，包括俗稱路軌帶(下圖)，呢款帶多用於係同樣300m既6215型號，但有好多當年既圖片顯示用係6159亦係可以既。
一條靚既原裝膠帶好難搵，價格可達$8000，我呢條接近NOS級數有原裝盒都用左$5500，仲係老友割愛，保存得靚嘅原裝膠帶係好軟熟既，軟到可以好輕鬆咁對摺，所以帶上手係非常之舒服。

十四毛

上圖中係6159，下圖左邊係6215，兩者最大分別係12點既夜光，6159係兩個框組成，6215係一個大框，而6215圈片係銀色字，6159就係金色。另外由於6215唔係用Hi Beat機芯，所以Seiko下面少左行字，而下面兩行字內容亦有所不同。

t006kk

好正精工錶王

十四毛

上面提過6159係可以跟三種不同的原裝帶，除左路軌型膠帶，仲有下圖既waffle格仔帶同朱古力bar啡色帶，網上資料說路路軌帶配6159只係出現過係一d舊書同catalog，當年真實情況係只係跟下面兩款既帶：

十四毛

我一直從未停過找尋靚既300m MM (MarineMaster - 雖然呢個名係屬於復刻版)，而今日我搵到第二隻我看得上眼的6159-7001，同樣屬於未磨殻。

十四毛

一翻開錶底，得意了，大家都係6159-7001，但序號較早那隻S/N911016，比後點那隻S/N940552多左個圈，而且錶耳厚度都窄左少少。
周一隻錶同型號，序號亦非常接近，但殻形就有少少不同，呢點係一件產品推出初期不是什麼新鮮事，Leica係1954推出第一版M3時，頭24部有很多特徵是與後期不同，頭一百部中亦有部份有一些非常特別的不同之處，要到1000部之後，模具及製作才算是穩定下來。勞力士亦有類似例子，隻5512係1959年第3季由方咀，演變到鷹咀係果1000個serial內既事(連其他型號)，最後先定型到做尖嘴。
呢個有趣既比較，日本有個網站都有相同分享，上面兩隻分別序號同我兩隻好相近，一隻係1969年一月，另一隻係同年五月。

十四毛

911果隻，d紗好深，用手指刮落去刮刮聲嘅，間距亦比較闊

十四毛

940果隻，間距較密，紗紋冇咁深。

十四毛

日前Yahoo日拍一個6159倒數圈NOS以18萬日圓成交

十四毛

順數，倒數圈