三年隨想曲

yuendenden

等細佬又share下自己的哥羅心態史先！話說好耐好耐之前！細佬仲係一個小學生！因姊姊鐘意V6, 細佬第一次由佢地本寫真見到三宅健的goro's!那時當然唔知佢係goro's!又唔知係咩！到愈來愈大個！由本地的雜誌介紹！終於知道那印第安風丶男神木村日日跟身的是哥羅！知道要去到東京本店先有得入！仲要好q貴！同當時細佬有另一致窮活動！儲埋d波衫波鞋玩具！矛錢去take嘢入手！又唔襯當然迷戀黑人風格的細佬！拱就算吧啦！直到細佬終於畢業！有自己的蚊形收入又戒左個波衫波鞋玩具癮！儲到少少錢時！又發生輻射事件！日夜俾身邊家人、朋友、同事力勸咪去東京！當然細佬又淆底所以唔敢去！就走左去入當時覺得差不多style嘅legend的第一件銀! 因一入銀門就中毒的我之後認識左mc,知道哥羅神級地位！加上日日睇到大佬毛的毒post、各路兄弟不怕麻煩的回覆問題同分享！又有平機票的情況下！細佬女人又錯手同細佬張機票買早左一日的天意下！細佬在2014年12月21日下海單拖排本店！我仲記得當時7點6X人抽籤我係抽20！因之前見人連入條XL毛都唔得的對比下！第一次入了的貨量細佬係覺得多同滿足！果種期待、神秘感深深把我迷住！細佬我就上癮了，造就2015年5月一人哥羅trip！成個trip的入手豐富（同自我要求低）！基本上有show價錢，RD san都放俾我！當時覺得哥羅其實邊有傳說中拱難買呀！？仲放左兩條依家想入返嘅XL毛！依家諗起都後悔！之後個夏休後trip就出事了！有2日晚上7、8點幾上到去咩銀都冇、又有2日上都上唔到！心態出現極大落差！到12月尾去本店同細佬女人一齊再抽時！細佬基本上可以話係冇期望！果然冇令細佬失望！兩抽兩收皮！第二次去抽時仲因為趕去本店抽籤，我愛人差一點發脾氣！深深領悟到大佬所講的必勝心法！但離開後心態變得十分輕鬆！因為可以同愛人去一D本來唔會去的地方！如皇宮跑步！那種美景、輕鬆！細佬到依家仲記得！那短短十多次的新手美麗回憶，細佬會放在心裏常常回味！好好珍惜現有的哥羅！始終....細佬覺得玩哥羅其實都係一種緣份！冇謂太強求！

WING_x

睇完呢個POST好想再飛去排,而家連第1次上到本店都唔知幾時,只能講玩得太遲

Jean

個經歷好熱血