新人首排分享文

Alanthc

3月13-14排兩日既分享文終於的起心肝係復活節打下啦 第1次打goro's分享文請大家原諒我文筆唔係幾好
小弟只係一個岩岩出黎社會做野既新鮮人，之前雖然一直都有留意goro's上網睇唔同配搭分享，但係學生哥果時冇乜銀彈，無識任何朋友有排隊經驗驚唔知點排都係無了了之。但係出到黎做野之後，私人時間小左，每日都係番工放工好似冇左樂趣咁
直到做左半年野到公司想我清下假，終於比到我一個機會push我去plan去諗下真係真真正正去東京排一次隊(其實仲係人生第一次去東京第一次自已去旅行)
但係由於我係度諗前諗後，到最後買機票果時只係買到12/3-15/3既機票

12/3
第一日係中午機，去到都8點，周圍行下食下野就一日...好彩由機場去到酒店都無乜迷路，係第一下自已機場搭火車出淺草酒店唔係好識，不過行下問下最隹後都搭到出去

13/3  (168)
其實今日先可以話係我係東京既第一日，起身食個早餐就搭車去表參道，開住gps好快見到goro's棟樓，但係唔知係咪我去得早冇人排攪到我唔知邊度開始，周圍行下體驗下日本風景10點半再去過就即刻見到條隊，望望側邊D人既心口...毛鷹都有，仲見唔少人個袋加裝得好令，但係就係唔知邊度隹係隊未/.\
最後行多一圈就係轉角商場出面問下人" you line for goro's?" 不過一次問班人原來唔係排goro's，只係一班日本人企係度lol但係佢地都好好心，唔明我問咩都主動開個gps同我講間鋪係轉角前面,跟住就行開左，咁我再問前面一個人，今次終於問岩人，知道係隊未就企定定係到，11點幾終於有人黎問幾多人排同叫我地show passport，係依個時候居然見到頭先我問果個人都係香港人，即刻冇咁驚哈哈
最後抽果時見到前我四個既人有手帶，即刻就更加緊張希望自已都可以有手帶上到去，可惜我同前面位香港師兄都被人一句su yi ma sei就走左了

14/3 (30)
今日係我第二日但都係最後一日排goro's，個心當然好想上去，但係見有咁多人排都好驚好似尋日失望而回。排既位置同尋日差唔多...不過今日落住雨，自已又著得唔多，企係度真係好凍好想走，但係難得自已終於有機會去東京都係冇放棄!
今日唔知點解好遲先出黎叫我地show passport..之後就排落去啦，到我抽啦，見前面果個有手帶自已都覺得冇乜希望。點知，我抽到30但係，都唔係即刻有手帶，佢地可能見我乜都冇都諗左諗, 我就同佢地講句"today is my first time to goro''s"，個好高大既女人就用英文問"you may need to wait for a long time, you ok?" 咁我緊係話ok la!!終於有手帶   
向後行多陣, 去個工作人員到示意手帶30 佢就安排位置慢慢等~落住雨等真係好凍，仲要前後既人都好cool自已一個就坐係度唔知做乜好
等呀等，等到5點幾先上到去 (btw樓梯果然有D難行 haha) 我係第三個，上到去就一路睇下仲有咩一路等(一直以黎既目標係上金，金繩).點知見到只有左右點金左右上銀 T_T 到我時我就用英文講"can I buy this one?"，佢話ok，就入左第一條點金xl，再問下平打介同細角，今次就sorry next time同細角...個心都down左一下，但係都冇計唯有埋單走人，再見番好高大既女人佢仲記得我係first time to goro's，教我點帶，皮繩拉到幾高好d...最後同佢講多謝同話今日係最後一日排就落樓了

15/3 (定休)
既然今日冇得排就想去bingo brothers睇下紅珠，點知原來今日休息

今次排二上一買到特大點金其實都滿足到我一個願望，但最失敗既係，我上到去見到長財好想買但係見冇價錢唔知問得最後冇買唯有下次再去排過

black_star

長財個類皮具唔會有價錢，你問佢同講想要咩色，多數都有的

Alanthc

black_star 發表於 2017-4-15 09:45
長財個類皮具唔會有價錢，你問佢同講想要咩色，多數都有的

係，第一次去加上見冇價錢就以為唔問得，之後先知都可以買，好後悔！T.T

hkabd

好開始呀，每—個第—次上完本店嘅人，事後都係有後悔，好正常。