4月東京之旅初體驗

silzai

原本無諗過今次旅程會排Goro's，始終一排就無咗一日，唔夠日子去其他地方。
但比朋友毒咗一陣就決定試下，當體驗下都好。

落機係朝早6:00，係機場食個吉野家早餐，先再慢條斯理搭地鐵出去。
今次旅行住間hostel係神樂坂，要下午3:00先可以check in，所以決定直接去原宿，搵個coin locker放低行李，搞掂晒都未夠9:00。周圍d舖又未開，唯有行下明治神宮，搵間cafe坐低飲杯野，感受下退休生活。


到左10:30，朋友話應該有隊可以排。去到見到排到去american outfitters, 面懵懵問㗎仔係咪隊尾佢話係。排到11:10有人查證件，好兇嘅staff問識唔識日文，雖然我嘅日文只係三腳貓功夫，但做過功課嘅我知道一定要講大丈夫！咁就過左第一關。
一路周圍望下排隊嘅大部分都周身goro's，乜都冇嘅我當然有啲驚。去到抽ipad環節，排我前面嘅㗎仔抽到7號，開心到跳起。然後到我，一㩒落去：114！ipad哥哥都笑左出聲講句sorry，咁就玩完。

週末聽講異常多人，而且有機會會踢人走，所以決定放棄。
不過人就係爛賭，抽唔到嘅我決定星期一再試。

過程都係一樣，今次一抽：73！
之前睇過教學，講要大約4-50內先會買到野。正想走人之際，留意到今次staff冇表情冇say sorry。心諗，唔通其實可以照排？就開口問佢大丈夫ですか？二女應該聽得出我係新手，開聲問我係咪第一次我話係，佢話you may have to wait for a long time, is that ok? 我話no problem! 咁就攞到手帶。
返去隊尾再排，呢個位我唔係好知點做好，又冇指示，唯有傻更更排隊尾。有個㗎仔見到我，好好人問我幾多號number,叫我排前d, 我先知原來係要問啲人號碼插入去，然後通知3點後再嚟過。
見有幾個鐘，就去左上野。今個旅程仲有個目標係想買件unwash牛仔褸自己操。weekend去左睇幾個日牌都唔岩著，今日去埋睇美牌，竟然比我見到件LVC type 1 fit身，仲要最後1件，盛惠48000羊... 時間關係要仆返去排隊，唔買住，順便比時間自己諗清楚。

返到去再排條隊已經短左好多，前面應該20-30人左右。坐下去下廁所，唔經唔覺等到5:30二女出黎，諗住到我呢組可以入，點知佢講左1句日文（好快，聽唔切），四圍d人就走晒。我心諗應該係話今日賣晒明天請早，心情即刻灰到極點。準備走人之際，見到後幾位一位男士，朝早我見過佢揸綠色護照，應該係台灣人，就大膽用國語問佢聽日仲黎唔黎？佢O晒嘴話唔係呀，係叫我地1個鐘頭後再排好在有搵佢傾計，否則我排到最後關頭自己棄權...
同呢位新朋友（以下簡稱C君）簡直係一見如故，一齊去左行街，原來大家都係第1次排，年紀差1歲，中意d野都好相似，真係好巧合，仲交換埋電話。

6:30返到去，第一組6個人入去，我排第3，C君排第6。臨入去二女提我電話要擺袋，怕我唔識規矩周圍影相。
入到舖係一位後生女staff (後尾先知原來係孫女) 剪手帶，舖頭入面其實好細，一眼睇晒。由於要順序買野，等待前面既時候可以睇定有咩買。今次target係點金（左右無所謂）+丸型coin case。離遠見到上面櫥櫃XL有上金，點金，金繩TQ; 另外有d細條既上金，箭頭之類（估唔到6：30都仲有羽毛買）。下面櫥櫃當然有coin case。
前面2位都係repair冇買野，到我怕怕醜醜咁同mito san可唔可以左邊第2條（左向點金），佢諗左1秒就話sold out，再問我而家有冇feather，我話冇，第1次黎。佢再問我試唔試下櫥櫃另一邊？另一邊我見有右向點金，就膽粗粗問佢右邊第二條得唔得？佢今次就話ok 同時要埋丸型coin case。當時真係有d感動，竟然可以係呢個鐘數順利買到自己target。mito san仲話個coin case要即刻用，幫我隊左d找錢碎銀落去，後生女staff就帶我去後面塊鏡度教我調教鹿皮繩長短，咁我當然賣下口乖讚下佢戴得靚咁啦。出到門口二女就影相，同佢吹左陣水就bye bye。落到樓下等埋C君，結果佢買到上金+箭頭，都係佢target，兩個都勁開心！去左一齊食一蘭慶祝


雖然過程好漫長，又著唔夠衫好凍，但最後買到就覺得乜都抵返晒。最重要係今個trip唔洗再排！

del6109

咁樣最後買到咩嘢物品，可以分享給大家當時的貨源

Applegoogle

恭喜哂師兄, 第2日排就可以上到本店, 而且買到心目中的target 點金, 真係戥您開心!!!
只有自排得到的goro's 先有這種喜悅

還可以在排隊過程中, 認識到新朋友, 真係一箭雙鵰

easonyiuyui

恭喜呢位師弟成功入手 正啦 鄧你高興

B0954172466

恭喜 台港友好 !

mk345

正啊師兄 強運

cw90

恭喜師兄
個coin case真係好靚，有機會排個放屋企供奉下先得

Bushmills10

Congrats. Love the coin purse.

tfko

恭喜哂，好詳細既報告！

garylai0366

恭喜晒！我黎緊星期四都打算去排，唔知各位師兄有冇咩可以教下小弟路呢？感謝！

cw90

cw90 發表於 2018-4-15 03:28
恭喜師兄
個coin case真係好靚，有機會排個放屋企供奉下先得

粒珠有得同佢講換色架

devilman_alex

重有大毛比你十分好，恭喜師兄

kl8723

Welcome!  Welcome!  多謝詳細本店遊報告！恭喜！

anotherme10

報告詳盡, 恭喜晒.

chingye1227

同AppleGoogle C Hing 同感，買到心頭好又識到新朋友，真好！

Szetoszeto

恭喜師兄入手到自己心頭好 我應該同你差不多日子排 我都係4月頭 如果我地早啲出post 可能一齊排 (ff同名師兄一齊上本店)

kimching

恭喜曬

garylai0366

恭喜恭喜

duck721

恭喜買到target , 登你happy ^^

jeffjai115

恭喜曬成功入坑