鼓浪嶼行到氣咳亂影分享

Wohtip

見sawlo2000 師兄分享既台灣影相行，趁lunch無聊，我都來加一腳，掘d舊相來講下鼓浪嶼有咩好有咩唔好。

好奇怪，09到11年幾年間，我竟然去左三次鼓浪嶼，第一次一個人去，第二次同老婆去，第三次係公司旅行去，睇住個島由好多人變成好好多人再變成好好好多人。


鼓浪嶼的藍色 by Miles L, on Flickr

鼓浪嶼在廈門對出既一個小島仔，我幾次去都係夏天，天氣好好，日間會熱到溶，但行入樹蔭或小巷就好清涼，晚間就變得清涼，如果住島上，唔開冷氣都得。

個島有咩特色？ 無乜，就係好多舊別墅，解放前好多西人、有錢華人在島上有別墅，而家好多一係破敗，一係就變景點，但有d仲係私人擁有，據知有d作家畫家仲住島上，例如作家蘇童就隱居島上。


鼓浪嶼 別墅 by Miles L, on Flickr


隧道操兵 筆山洞 鼓浪嶼 by Miles L, on Flickr

因為成個島係一座小山，所以有幾條都幾長既隧道（據講亦係戰時防空洞）穿過，我去左三次都無搞清楚邊條打邊條，有次由好多遊客既一邊行左入隧道，出返來就係一個好舊既小村，好似兩個世界咁，有一次行過隧道就去左島邊邊。亂行係幾有趣。成個島得電瓶車，同埋好少撞見既政府車，所以步行係幾安全。

Wohtip

Camera Porn Kiev 60 w/ CZJ 80/2.8 by Miles L, on Flickr
上圖既cafe原身係一間好中西合壁既別墅，叫番婆樓，非常詭異有趣，可惜之後再想去就裝修緊。


趙小姐的店 #2 by Miles L, on Flickr
呢間趙小姐的店主打唔係cafe，係燒仙草，真係幾正，佢d酥餅烘熱少少來食亦好好味。

除左睇舊別墅，行下小山路，上下佢既山頂，島上有好多coffee shop，行到累可以搵間坐下，不過要注意，d cafe主要滿足小資年輕女士（即係著花裙戴草帽赤腳行沙灘，再掛部film slr在頸上而條相機strap有7成機會係喱士邊），如果好似我呢d短褲T恤加對birk，當年仲咬住煙既肥叔叔簡直大殺風景。

我覺得鼓浪嶼成個島分左幾個玩法，近碼頭係遊客集中地，另外再加幾個近低地既景點，呢d都係勁多人，係第一種玩法，去勻晒都要一至一日半。
第二個玩法就係按圖搵別墅，網上有好多資料了，睇晒背景再去，有爛既，有裝修好既，有一半一半既。
第三種就係行山路，島上既小山路縱橫交錯，唔好驚，可以四圍去既，拎住iphone有google map咩都唔驚，小路map上無，但一定有方向行返去人多既地方，一路上會有唔同既小巷景觀，唔同既風情，最重要係未變遊客區。

如果揀亂行既，記住要留力，因為無得call的士，點都要留力行返出去。

住既方面，我建議有一兩晚住島上，因為幾舒服，而且唔使迫船出入個島，由廈門有輪渡（好似天星小輪）載你上島，去程唔收錢，只收回程錢，只係幾分鐘就到，好似尖咀過中環，早年仲講緊限制上島人數，唔知有無實施了。

除鼓浪嶼之外，廈門都有d野行下，廈門大學附近啦，南普陀寺啦，仲有個長長沙灘，都可以一遊。

＝＝完了＝＝

feipo

趙小姐的店依家開到全廈門都係，有次有個哥哥行入店內問：”趙小姐係唔係度？“，店員答：“要揾趙小姐要返去民國！”

Wohtip

噢，變左連鎖了？！當時只有一間。

kevinlyh

現時趙小姐的店已進駐左中山路, 淘寶都有佢的貨.
張三瘋奶茶都係開到一街都係.

Thomas_Chan

「鼓浪嶼的藍色 」，好靚！

lc7535

Very Nice

去过好几次厦门，一次都没上过鼓浪嶼。
就係每次去到码头都好多多多人。

下次一早起身上去，或住在岛上.。

feipo

lc7535 發表於 2013-8-8 22:30
Very Nice

去过好几次厦门，一次都没上过鼓浪嶼。

住係輪渡中山路口的鷺江賓館帶露台的房間，坐係露台吹吹海風睇日落，第二朝早搭船過鼓浪嶼.但千祈唔好係島上吃海鮮......

shu_sum

Thanks for sharing, wohtip c-hing!!!

vincecharus

shu_sum 發表於 2013-8-9 10:54
Thanks for sharing, wohtip c-hing!!!

x2

Wohtip

kevinlyh 發表於 2013-8-8 14:49
現時趙小姐的店已進駐左中山路, 淘寶都有佢的貨.
張三瘋奶茶都係開到一街都係.

即係完全商業化了，無計。

Wohtip

lc7535 發表於 2013-8-8 22:30
Very Nice

去过好几次厦门，一次都没上过鼓浪嶼。

如果只係去行下，我其實唔推介人去，因為當年都已好迫人，而家相信更驚人。

只係如果唔介意行辛多幾步，無乜人既地方仲係有既，亦好靜。

Wohtip

feipo 發表於 2013-8-8 22:55
住係輪渡中山路口的鷺江賓館帶露台的房間，坐係露台吹吹海風睇日落，第二朝早搭船過鼓浪嶼.但千祈唔好係 ...

我三次都只係陪老婆既一次有食海鮮，不過都係廈門食，島上無食。只係得條魚可以（老婆既評語，我唔食魚），但亦無必食原因。

廈門小食我就極喜歡，炸五香，燒糭子，春卷，沙茶麵，北仔餅，豆蓉酥餅，我去到除左影相就係見小食必停，望落ok就食。

feipo

Wohtip 發表於 2013-8-10 09:15
我三次都只係陪老婆既一次有食海鮮，不過都係廈門食，島上無食。只係得條魚可以（老婆既評語，我唔食魚） ...

廈門的小食街集中係中山路一帶，附近有好多橫街都有，其中一條台灣小食街(仁和街），鐘意小食的應該會喜歡，由於附近一帶都係的舊建築，亦係影相的好地方。

Wohtip

feipo 發表於 2013-8-10 09:25
廈門的小食街集中係中山路一帶，附近有好多橫街都有，其中一條台灣小食街(仁和街），鐘意小食的應該會喜 ...

中山路附近有間聲稱老字號賣各類小食，好大間又好多人既，我覺得麻麻，只係方便一次食晒，周圍逛會有更多地道d既味道。廈門舊建築好有特色，喜歡影舊樓既會幾開心。

另外，唔記得講，如果plan路線可以連土樓一齊諗，我見有d團都係土樓連廈門咁既，後來睇地圖先知，係喎，都係福建省既。亦有聽過潮汕一帶既都喜歡去廈門，因為近，佢地渣車去。

feipo

Wohtip 發表於 2013-8-10 09:34
中山路附近有間聲稱老字號賣各類小食，好大間又好多人既，我覺得麻麻，只係方便一次食晒，周圍逛會有更多 ...

黃則和以前係賣花生湯起家，佢的小食我都覺得麻麻，但係佢既傳統口味既綠豆餡餅個人覺得係最好食
另一樣我中意就係花生湯加雞蛋（小心超甜）

Wohtip

原來超甜係正常？！ 我好甜食都唔頂得住。

當地綠豆餅我帶好多來做手信，自己都留幾盒，不過未試過黃則和。

feipo

福建土樓群亦係影相既好地方，脾10蚊當地人帶你上樓影唔同角度
福建土樓群分佈在漳州的詔安縣（分佈較散保留不太完整，破爛，無開發旅遊，但更有滄桑味道），華安縣（二宜樓），南靖縣（感覺太商業化，最出明的“四菜一湯”）和龍岩市永定縣....
有錯請C-hing更正

Wohtip

大陸景點，商業化係好嚴重，去影相都係要有心理準備要亂行，搵返商業之手未伸過去既地方。不過亦因為商業化，先會有土樓變客棧，可以感受下住土樓，雖然唔係最地道，叫做好過無。

edwardkwong

多謝分享，好正