本帖最後由 chun1226 於 2016-11-18 18:32 編輯
今次旅行 其實係同太太結婚一週年旅行 11月8號晚上23:55分機由香港出發,日本時間5點左右已經到左羽田機場,因為知道逢三店休,所以第一天一落機就去左迪士尼玩下先10-Nov-2016
我同太太住係澀谷既民宿,因為知道好近goro's,大約9點左右起身,坐一個站到表參道A2出口由apple store行去本店,就行到見到條人龍個心已經好緊張,我老婆仲一直話博下啦,反正日本d鋪頭11點左右先開口,都唔會用太多時間姐,因為我地都係第一次排,見到goro's正門對出條欄杆好多空位,我地就主動問下坐下度d人,佢地話未show護照拎籌你都可以照坐住等,第到約11點,見到有個年紀輕輕既女條過黎叫我地show護照,然後問我地幾多個人,我地就答2就比左張2人既飛我地,大約11點25分開始抽iPad,我同老婆係排第6個,個心跳得好快,見前面2個都禁到1xx,到我地禁果陣我推左我老婆去禁,佢禁到42,但年紀輕輕果個女仔同我地講「個咩囉西」我即刻同佢講thank you之後拉老婆走左,排之前都有爬左好多文同問朋友意見,我地都係0裝備,第一次排唔想留壞印象,所以無問點解就走左,事後有問個朋友話呢個後生女係特別嚴,加上我地無任何goro's既野可能,之後就按我地原定計劃去行街,話無野就假既,我知道42正常係應該可以上去,屈左係個心到一日,但老婆都一直安慰我,聽日再去試啦.
11-Nov-2016
今日遲左起身,10點55分先到,同琴日一樣問下人,隊尾係邊,行到第三段左右,有兩個日本人話我坐呢度都得,唔一定要去最後,我地就聽佢話,坐左係約莫goro's對後第四段欄杆,今日要我地show証件既係一位外籍女士,識日文的,同琴日一樣問我地係咪2人,我答係,然後約11點半左右到我地抽,我又叫左我老婆禁iPad,今日佢禁到49,外藉女士猶豫左幾秒後用英文問我地會遲dd你地介唔介意,當然我地即刻答佢唔介意,然後幫我地帶上手帶,果種心情真係好開心,等全部人抽完後佢就叫我地3點後返去繼續排就得,我地就去裹原宿行下同食d野先,3點左右就返去繼續排,今日又凍又落雨,好辛苦,我地等到6點半佢地小休完既第一轉上去,見到外藉女士過黎揮手叫我地同埋後面3組人上去,個腦當時一半空白,好緊張,一上到去,我地係第一個,即刻望下有無XL毛買,一條都無,試下問下當掌櫃,我諗呢個就係大家所叫既大胡子,佢話sold out today,然後我地就見到平打,戒指d都無,見到細中8本雕 同大中細箭頭,就問佢要中8本雕同大箭頭ok ma?佢話ok,之後問埋可唔可以每人配條鏈,佢又話ok wor,其實我地已經好開心,起碼叫候上過去店,買咩都唔重要,最後同外籍女士傾左幾句,同佢講話我地係第1次黎,同埋今次黎日本係我同太太結婚一週年,自己本身都鍾意左好耐,但一直無時間咁黎排,想問下你地仲有無戒指賣啊,我地想整對情侶戒紀念一年咁樣,佢係大胡子耳邊到講左幾句,係櫃入邊拎左2隻出後,幫我地帶左係尾指,話係最後兩隻,想要再大d size都無,你地可以嗎?我地好意外,亦即刻say yes,總數2鏈m8本大箭頭2點金戒,255600yen好似,比錢果陣先發現唔夠錢原來,問下可唔可以落去禁錢,外藉女士話sure,我就急急腳跑左落去lawson禁,勁唔好意思,埋單後不停同佢地講多謝同seeyoutmr,佢地都有同我地講good luck tmr,我地就好開心咁返屋企換衫再去食下野咁囉,買完落返黎都7點答212-Nov-2016
都係一樣唔早唔遲9點幾起身,10:50左右去到排隊,今日排後左少少,係明治神宮駅後兩段,都係咁上下時間抽,今日都係外藉女士check証件同派飛仔,佢過到黎認得我地,仲微笑同打招呼添,大約11:25左右抽,我都係覺得老婆好運,都係佢禁ipad,禁到1,我地都唔敢相信,再望清楚d,真係1,外藉女士同埋一個短頭髮既中年女士都哇左出黎,亦同我地講恭喜你們,帶完手帶約11點45左右,好緊張地去禁錢,期待一點到來,問左好多朋友意見,都係話買爪毛先,上到去今日都係大胡子,見到戒指櫃同埋羽毛櫃都無爪毛,又唔好意思問,直接指左要上金繩松石,佢認得我地,直接拎哂左右卷出黎,問我地係咪都係要情侶,我地答yes佢就幫我地裝上去,今次再問可唔可以要多個金牌仔,佢答Nola,just one only,見到第一日果個後生女坐係後面,感覺嚴d,最後問埋可否買多1隻皮戒指,佢拎左比我就埋單走人,上金繩松石左右卷+1皮戒,總數好似18萬yen左右,外藉女士企門口位,都話我地好好彩,我地表示明天會再黎,我地好開心,明天見吧,今日行程都無咩被拖,買完仲有好多時間行街食野.
13-Nov-2016
今日晏左起身,10點20分先由澀谷出發,我覺得會遲得滯,中途同老婆講不如唔好去,佢本堅持去到先算,無得抽先走啦,聽佢講加上我地跑10:59去到隊尾,見未check證件,就知道可以繼續等下,今日11:55分左右先到我地抽,我都係叫老婆禁,佢再禁到38,外藉女士今日唔係到,不過琴日短頭髮中年女人認得我地,佢今日負責拎iPad,禁完都即刻叫人幫我地帶手帶,約莫4點就上到去,都係即刻望左羽毛櫃先,有點金左右卷同上銀左右卷,我地指左點金特大羽,佢話ok,今日企櫃臺果個就係短髮女人,再問埋我太太可否要一樣的,佢都話ok,當然我再問可唔可以要金牌或細箭頭,答案都係一樣no just one only,不過買到點金羽毛已經好開心,笑住咁講多謝同埋see you tmr,就走左啦,抽中38呢d no真係要預無左半日,雖然每人有一對毛,但覺得好對唔住自己老婆,明明黎玩,好似變左日日排隊咁,佢知我鍾意,亦同我講係緣份黎14-Nov-2016
因為連上左三日,每日都好夜先返酒店,今日都係遲左起身,去到大約10:57分左右,今日係好酷果個後生女check証件同比飛仔,就到我地抽果陣見到外藉女士,佢見到我地後微笑,亦同後生女講左幾句野,一如既往我老婆禁iPad,再中26,外藉女士即刻恭喜我地,仲話 you guys have a good trip,不過今日唔知咩事16-20果組落哂黎,3:00-3:45都無人落過黎同上去,見到有兩個老男人落黎之後先叫我地上去,今次一次過上6組,我地係最尾既,target係上金,但到我地果陣已經賣哂,都係得返上銀同點金,我就問佢再要兩條點金可以嗎,我把上金松石拆出黎穿紅珠,今日櫃臺係短髮女人,外藉女士企側邊幫我地拆同穿,佢過up to you,之後拎埋紅珠同我地講得返最後一串今日,你地share用la,今日買左 左右點金特大羽同一串紅珠
15-Nov-2016
今日正係我地週年紀念日正日,我地因爲排隊好多地方無去到,所以今日抱住試下既心情去,今日係我地第1日唔比手帶果個後生女check証件,我地今日都算遲去,排隊尾咁滯,12點多d先到我地抽,我老婆禁51,後生女今日無猶豫諗住幫我地帶手帶,不過我知道今日正日 如果排51要搞到7點幾,所以同佢地講我地放棄今日了,呢四日連續上已經好開心,今日係正日唔想用咁多時間黎排,下年見吧,最後我終於見到後生女笑,佢話sure.就咁我地完結左呢次旅程.
雖然知道下次未必好似今次咁好彩,但我老婆手氣真係唔差 42,49,1,38,26,51 總括黎講都係上到去既數字,同埋真係會排上癮,同埋欄杆真心唔好坐,由期是去到最前果排好唔舒服
|
發表於 2016-11-18 18:32:33
發表於 2016-11-18 19:14:31
樓主
